30, సెప్టెంబర్ 2015, బుధవారం

ఒక మాట..రేడియో ప్రోగ్రాం కి వెళ్తున్నా ఈ రోజు..

అక్టోబర్ 2 గాంధీజయంతి నాడు ఆకాశవాణి విజయవాడ కేంద్రం నుండి ప్రసారం కానున్న 13మంది కవుల కవితా కదంబ కార్యక్రమాన్ని శ్రీమతి గుత్తికొండ రామరత్నం చారిటబుల్ ట్రష్టు సౌజన్యంతో కృష్ణాజిల్లారచయితల సంఘం నిర్వహిస్తోంది. పాల్గొంటున్న కవులు:
శ్రీ ఉప్పలూరి లక్ష్మీనారాయణ, శ్రీ యెరుకలపూడి గోపీనాథరావు, డా. గుమ్మా సాంబశివరావు, శ్రీ అవనిగడ్డ సూర్యప్రకాష్, డా. వెన్నా వల్లభరావు, శ్రీ బందా వెంకట రామారావు, శ్రీ సి హెచ్ వి ఎస్ బృందావనరావు, శ్రీమతి పుట్టి నాగలక్ష్మి, శ్రీమతి భమిడిపాటి బాలాత్రిపుర సుందరి, శ్రీమతి కావూరి సత్యవతి, శ్రీమతి గుడిపూడి రాధికారాణి, శ్రీ చలపాక ప్రకాష్, శ్రీ పువ్వాడ తిక్కన సోమయాజి పాల్గొంటున్నారు. కవులకు అభినందనలు..

28, సెప్టెంబర్ 2015, సోమవారం

మరొక మరిచిపోలేని రోజు..

నిన్న (27/9/2015)కె.వై.ఎల్.ఎన్.జయంత్యుత్సవం లో జరిగిన మహా సహస్రావధాని బ్రహ్మశ్రీ డాక్టర్.గరికిపాటి నరసిం హా రావు గారి అష్టావధానం లో నేను పృచ్చక పరిచయం చేశాను.ఆ మహానుభావుడు నాకు శాలువా కప్పడం,గుత్తికొండ సుబ్బారావు గారు జ్ఞాపిక ను ఇవ్వడం..మరొక మరిచిపోలేని రోజు నా జీవితంలో..దండిభొట్ల దత్తాత్రేయ శర్మ గారికి అబినందనలు,ధన్యవాదాలు.









26, సెప్టెంబర్ 2015, శనివారం

ఈనాడు హాయ్ బుజ్జీ లో నా 24వ పిల్లల కథ.."కోడి కూత".

ఈనాడు హాయ్ బుజ్జీ లో నా 24వ పిల్లల కథ.."కోడి కూత" 12/09/2013న ప్రచురితం..సరుకులు సర్దుతుండగా కొన్ని  వేరుశనగపప్పులు ఒలికితే పప్పుల్ని చూస్తుండగా నా మది లో తటాలున మెదిరిన ఊహ కు అక్షర రూపం ఈ కథ.

25, సెప్టెంబర్ 2015, శుక్రవారం

23, సెప్టెంబర్ 2015, బుధవారం

ఒక రోజు ఏం జరిగిందంటే..

ఒక రోజు ఏం జరిగిందంటే.."మాటే మానవ జాతి లో సత్సంబంధాలను నెలకొల్పేది.." అనే విషయాన్ని నేను రాసిన ఒక కథ,కొన్ని కవితలు,నా జీవితం లోని కొన్ని సంఘటనలు ఆసక్తిగా,హాస్యభరితంగా,ఆర్ద్రత కలగలిపి వివరించా.."ఒక రోజేమైందంటే..ఒక వేప చెట్టూ మామిడి చెట్టు ను చూసి ఫక్కుమని నవ్వింది..ఎందుకనుకుంటున్నారూ.." అంటూ ప్రారంభమైన  నా ఉపన్యాసం..అందరికీ బాగా నచ్చిందన్నారు..నాక్కూడా బాగుంది..ఆ అంశం అలా కొత్త రకంగా  చెప్పడం..ఈ అవకాశం ఇచ్చిన భావతరంగిణి ఎడిటర్  భవిష్య గారికి ధన్యవాదాలు.

20, సెప్టెంబర్ 2015, ఆదివారం

"ఒక రోజు ఏం జరిగిందంటే.."నేను చెప్పాలిట..

"ఒక రోజు ఏం జరిగిందంటే.."అనే అంశం నాకు కేటాయించారు..ఈ రోజు సాయంత్రం మచిలీపట్నం మహతి కళావేదిక లో జరగబోయే సంగీత,సాహిత్య,నాట్య సమాహార కార్యక్రమంలో సాహిత్య విభాగం లో ఈ అంశం నాకు ఇచ్చారు ..15 నిమిషాల సమయం లో ఆసక్తిగా,ఉపయుక్తంగా,సాహిత్యానికి అన్వయంగా  ...నేను చెప్పాలిగా మరి.."ఒక రోజు ఏం జరిగిందంటే.."   ఏమైనా జరగొచ్చు..అదేమిటి?? ఎవరి అంచనాలు వారివి..మరి నేను ఏం చెప్తానో ..వాళ్ళు ఏం అన్నారో..సభ ముగిశాక మీతో పంచుకుంటా..సెలవా మరి??ప్రస్తుతానికి..

ఈనాడు హాయ్ బుజ్జీ లో నా 35వ పిల్లల కథ.."గుడ్డివాడి గుర్రం".

ఈనాడు హాయ్ బుజ్జీ లో నా 35వ పిల్లల కథ.."గుడ్డివాడి గుర్రం".18/05/2014 న ప్రచురితం..నిద్ర మేలుకుంటుండగా తళుక్కున మెరిసిన ఊహ కు రూపం..

16, సెప్టెంబర్ 2015, బుధవారం

ఒక మాట..బదిలీ..

ఉపాధ్యాయ బదిలీలు జరుగుతాయట..నేను దరఖాస్తు చేశాను..రాను,పోను 64 కి.మీ. ఇప్పుడు..ఈ బదిలీల్లో దూరం తగ్గి దగ్గర ఊరు రావాలని దీవించండి..

13, సెప్టెంబర్ 2015, ఆదివారం

ఈనాడు హాయ్ బుజ్జీ లో నా 23వ కథ.."మాట్లాడే రాయి"

ఈనాడు హాయ్ బుజ్జీ లో నా 23వ కథ.."మాట్లాడే రాయి"..07/08/2013 న ప్రచురితం..కుంకుడు గింజ తో కూడా భలే రాశావమ్మాయ్ అని ఒక సర్ పొగిడితే ఆ ఉత్సాహం తో రాయి తో రాద్దాం అనుకుని రాసిన కథ..

12, సెప్టెంబర్ 2015, శనివారం

2015 లో 50వ కథ వరకు ఈనాడు లో నా కథలూ-పాత్రల పేర్లూ

45             పెంపుడు కాకి                     కాకి                పుట్టూ             02/01/2015
46             కోతి కృతజ్ఞత                    కోతి                                    18/01/2015
47             ఎగరని కోయిల ఎగిరింది           కోయిల                                 06/02/2015
48            కొక్కొరొకో..బుద్దొచ్చిందహో                                                06/04/2015
49            సిమ్హంతో స్నేహం                                                           27/06/2015
50            ఉల్లిపకోడీ ఉపకారం             కుక్క                 డిప్పీ            19/07/2015
-----------------------------------------------------------------------------------------------------
     ఈ 50 కథలు ఈనాడు హాయ్ బుజ్జీ లో వచ్చిన నా పిల్లల కథలు...
                  ఎంత సంతోషంగా ఉందో... 

2014 ఈనాడు లో నా కథలూ-పాత్రల పేర్లూ

31          మొసలి మనసు తెలిసిందా కోతిబావా?    మొసలి             మోలూ            10/02/2014
32           ఎంత పని చేశావే కాకీ               కాకి             సూటీ           16/03/2013
33          యుద్దాన్ని ఆపిన తెల్లపావురం                                              26/03/2014
34           గురవయ్య-గుమ్మడికాయ                                                     26/04/2014
35           గుడ్డి వాడి గుర్రం                     గుర్రం            హాసీ            18/05/2014
36           శరభయ్య శంఖం                                                         15/06/2014
37          చిరాకు పడని చీమ                 బుజ్జి కోడి పిల్ల     జూడీ          07/07/2014
38          అసలైన వజ్రం                                                             04/08/2014
39           పాలు తాగిన పిల్లి                  పిల్లి,ఎలుక          టిట్టూ,రిక్కూ    19/08/2014
40           డబ్బుకు లోకం...                                                           17/09/2014
41           తాబేలు సలహా                       జింక               జూటీ           01/10/2014
42           మామ్మకో మనవడు                                                          09/11/2014
43           పటికబెల్లమా?బంగారమా?                                                21/11/2014
44           రెక్కల చేపల అల్లరి              చేప                చో               11/11/2014
-------------------------------------------------------------------------------------------------------

2013 ఈనాడు లో నా కథలూ-పాత్రల పేర్లూ

13            కోతలు కోసిన కోయిల             కోయిల                  -              11/01/2013
14            కోడలి దానగుణం                                                       24/01/2013
15            బడాయి కప్ప                    కప్ప                మప్పీ            05/02/2013
16            కుండ కోరిక                      కుండ                 -              25/02/2013
17            చేదు చెరుకు-తీపి కాకర       కాకర పాదు         -                 07/03/2013
18            ఇంట్లో పాము పుట్ట లోకి            పాము                జీనీ           16/03/2013
19            పిండివంటల రహస్యం                                                   29/03/2013
20            కొండ మీద కోతి                  కోతి                 బిజ్జూ           16/04/2013
21            గడ్డి పూవు-మల్లె మొగ్గ                                                 16/05/2013
22            ఇరుకిల్లు                                                                28/7/2013
23            మాట్లాడే రాయి                   చిన్ని రాయి            -              07/08/2013
24            కోడి కూత                        కోడి                  బిబో             12/09/2013
25            షావుకారు పిల్లి                 పిల్లి                 లింబూ          22/09/2013
26            బడాయి రాయి                     రాయి                    -             04/10/2013
27            ఎగరని చెట్టు                    చెట్టు                  -              17/10/2013
28            జిరాఫీ జపం                    జిరాఫీ               జింబూ           18/11/2013
29            వెర్రిబాగుల వేరుశనక్కాయ       వేరుశనక్కాయ           -              28/11/2013
30            ఓబులయ్య వజ్రాలు                                                         22/12/2013
------------------------------------------------------------------------------------------

2012 ఈనాడు లో నా కథలూ-పాత్రల పేర్లూ

వరుస సంఖ్య      కథ పేరు                   పాత్ర             పాత్ర పేరు        ప్రచురిత తేదీ
1             జేబులొ జోరీగ          5 రూపాయల బిళ్ళ         -             10/8/2012
2             చంద్రుడి కోపం-సూర్యుడితాపం      సూర్యచంద్రులు        -           21/8/2012
3             పంచదార పిల్లి                 పిల్లి                జూబీ         10/9/2012
4             చలాకీ జాకీ                  కాకి                జాకీ         18/9/2012
5             కుదురులేని కుంకుడు గింజ        కుంకుడు గింజ         -           29/9/2012
6             ఎంగిలి చెట్టు                 మామిడి చెట్టు           -            21/10/2012
7             కోడి కోరిక                     కోడి                  జో         31/10/2012
8             చేపల వేపుడు నచ్చిందా కొంగా?     కొంగ                -           10/11/2012
9             వెలిగిన మిణుగురు               మిణుగురు పురుగు       -              20/11/2012
10            తిమ్మరాజు తిప్పలు              ఒక తిండిపోతు        తిమ్మరాజు      30/11/2012
11            గుబులు తీరిన గుడ్లగూబ       గుడ్లగూబ            -               14/12/2012
12            పిసినారి బావ                 రామ్మూర్తి,సూరి         -             27/12/2012
---------------------------------------------------------------------------------------------------

10, సెప్టెంబర్ 2015, గురువారం

విశ్వనాధ సాహితీ వైభవం..

చాలా చాలా సంతోషం గా ఉంది. విశ్వనాధ సాహితీ వైభవం..వేదిక పై నిలవడమే అదృష్టం.పత్ర సమర్పణ ఒక సాహసం..సభలోని సాహితీ స్రష్ట ల ఔదార్యమే నన్నీ సాహసానికి ఒడిగట్టేలా చేసింది.కృష్ణా జిల్లా రచయితల సంఘం అధ్యక్షుడు శ్రీ గుత్తికొండ సుబ్బా రావు గారికి.పూర్ణ చందు గారికి నా ధన్యవాదాలు.

4, సెప్టెంబర్ 2015, శుక్రవారం

ఒక మాట..మా బడిలో..

ఉపాధ్యాయ దినోత్సవం అని  మా బడి లో పిల్లలు తమ చిట్టి చిట్టి చేతులతో రకరకాల బహుమతులు కొని తీసుకొచ్చారు నాకు ..దాచుకున్న డబ్బులు..ఇలా..బాధ..ఆనందం..ఒక 6వ తరగతి పాప ఒక పెన్ తెచ్చి ఇచ్చింది.ఏదో చెప్పాలని సంశయిస్తోంది.వంగి తన నోరు దగ్గరగా నా చెవిని చేర్చా.."ఏమిటి తల్లీ" అని అడిగా.మెల్లిగా ఆ పాప చెప్పిన జవాబు.."టీచర్..ఈ పెన్ తో ఒక్క కథ రాయరూ.."
    నాకెందుకో..కంట తడి..ఆ పాప కు రుణపడిపోయా..అలాంటి బెస్ట్ అవార్డ్ ఇచ్చినందుకు.

3, సెప్టెంబర్ 2015, గురువారం

ఒక మాట

శుభోదయం ఫ్రెండ్స్.. నిన్న తెలుగు భాషా సేవా పురస్కార గ్రహీత శ్రీ గుత్తికొండ సుబ్బారావు గారి అభినందన సభలో నేను పాల్గొన్నాను.ఒకే సంవత్సరం ముఖ్యమంత్రి చేతులమీదుగా ఉగాది పురస్కారం,తెలుగు భాషా సేవా పురస్కారం అందుకున్న శ్రీ గుత్తికొండ సుబ్బారావు గారికి మరొక్క సారి కృష్ణా జిల్లా వాసుల తరఫున,సమస్త సాహితీ ప్రియుల తరఫున అభినందనలు..

1, సెప్టెంబర్ 2015, మంగళవారం

ఇది నా 100 వ పోస్ట్..

ఇది నా 100 వ పోస్ట్..21/6/2015 న కంప్యూటర్ కొన్నాం..బ్లాగర్ అవాలనే సరదా..650 పైగా రచనలు ఉన్నాయిలే అని ధీమా..ఏమి చెయ్యాలో   ఎలా చెయ్యాలో తెలీదు..ముందు మొదలుపెట్టి వరుసగా కొన్ని కథలు పోస్ట్ చేసేశా.ఒక రోజు కంగారులో ఏదో క్లిక్ చేస్తే అన్నీ మాయం..ఇంక బిక్కమొహం తో నేను..అపుడు నా బ్లాగ్ ని అందంగా తెలుగు లో తీర్చిదిద్దడం నేర్పిన వేణు సర్(ఈనాడు చదువు డెస్క్) , బాలభారతం లో నా కథ పడినపుడు మాట్లాడి బ్లాగర్ అవాలనే ఉత్సాహాన్ని నాలో కలిగించి మంచి సూచనలతో ప్రోత్సహించిన సూర్య సర్(బాలభారతం డెస్క్) ,ఎంతో ఓపికతో నా రచనలు వగైరా ఫొటోషాప్ చేసి పంపిన హాయ్ బుజ్జీ పజిల్స్ మిత్రులు మోక్షానందం సర్,ఓపిక తో చదివిన, అభిప్రాయాలు తెలియచేసిన అందరికీ నా 100 వ పోస్ట్ సందర్భంగా హృదయపూర్వక ధన్యవాదాలు.